kalaro

 Napakalamig ng simoy ng hangin
 makulimlim na kalangitan,
di naman Pasko
at wala rin namang bagyo
kainaman na iyan!

Pebrero na pala,
tanging buwan na iniiwasan
ng mga pusong sawi
at pusong walang gana
kainaman na iyan!


At heto ako di naman sawi,
may gana rin naman,
pero tila ba batang nag-aabang;
ng kahabulan, kalaro, kapiko,
Yung maghahanap sa'yo
kapag tagu-taguan.

Iyong kalarong,
hahabulin ka kahit sa dawagan,
sasamahan ka kahit tirik ang araw,
kahit malubog sa putikan,
at kahit gabihin sa daan.
Di ka iiwanan,
tatanawin ka sa iyong lalakaran.

Nasaan na kaya siya?


Ito iyong panahon na pilit iniiwasan,
masaya naman akong mag-isa
pero mas masaya kung may kasama.

May kasamang kakain ng tokneneng sa daan,
may makikinig sa kuwelang mga banat,
May papasahan ng mga larawang kakatwa,
Kainaman na iyan!

Oo gusto din namang maranasan,
at matagal ng inaasam-asam,
Iyong sasabayan kang umawit at umindak
sa mga klasekong awitin
Sasamahan kang masdan ang kalangitan,

Sasabihan ka ng
magandang umaga, kumain ka na ba?
Uy, gabi na, matulog ka na nga!
O , galing mo ah natapos mo lahat?
OO, kainaman na iyan!

Tila bumabalik sa pagkabata,
at nahipan na nga ng hangin.
Hays!
Mapapabuntong hininga nalang.

Pero baka nga di parin tama at wasto  ang panahon,
kaya di tayo magtagpo,
sana mahanap mo rin ako,
at sana makita rin kita,
aking kalaro. 

Kainaman na iyan!


Published by Merrel Ya

A lady who has been pondering her hope into Christ, inhaling His grace, and enjoying the beauty of life. Writing about life, asking God about "kuliglig sa kanyang dibdib."

Leave a Reply

Your email address will not be published. Required fields are marked *

Related Writings

red round fruits on tree branch

kalaro

Napakalamig ng simoy ng hangin makulimlim na kalangitan, di naman Pasko at wala rin namang bagyo kainaman na iyan! Pebrero na pala, tanging buwan na iniiwasan ng mga pusong sawi at pusong walang gana kainaman na iyan! At heto ako di naman sawi, may gana rin naman, pero tila ba batang nag-aabang; ng kahabulan, kalaro, […]
orange string light

Why does it feel like home?

sweet sixteen
five person by table watching turned on white iMac

keep the minutes

It's keeping their wisdom and knowledge in life. It's keeping their love for Christ. It's keeping their sweat and tears even if no one appreciates their hard work at times.

Stepping out in Faith

Inhaling His grace and savoring the beauty of life. And I pray that my journals will transcend into the spaces that need them the most.

Meryl Villaruel

© Copyright 2017 / Merrel Ya / Website Design by Titus Jr Laxa

Let's connect!