Sayang ang pagtingin, kung di sasambitin. Sana'y dumating ang tamang panahon, na 'di mo na kailangan pang pigilan ang damdamin at mga saloobin na namumutawi sa ilalim ng iyong mga mata. Sana'y dumating ang pagkakataon, na kaya mo nang sambitin, mga salitang kay tagal na binibitin, inuusal na mga panalangin sa kalangitan. Sana'y sa paglipas ng panahon, matuto tayong harapin ang mga pagkakataong, minsan lamang dumarating sa ating buhay kahit 'di sigurado sa kalalabasan. Sana'y dumating ang panahon, na ang ating mga mata ay 'di na takot magtagpo, buong tapang na haharapin at bibigkasin, mga salitang inuusal sa hangin at pag-ibig na ninais dinggin. Sana nga'y di masayang...
P. S
Inspirasyon galing kay Mr. HAN 🥺(Start Up)
Kaya sana h'wag natin sayangin ang mga pagkakataon, subukan at tahakin ang naisin kahit di sigurado at malabo. Kaya mo yan! 😊
